У кітайскім горадзе Ўу-Хань пачалі будаўніцтва больніцы на тысячу месцаў для тых, хто заразіўся каронавірусам. Адкрыццё запланаванае на 3 лютага.
Новы тып каронавірусу ўжо забраў жыцці 26 чалавек.
Сусветная арганізацыя здароўя на мінулым тыдні вырашыла не абвяшчаць рэжым глабальнай надзвычайнай сітуацыі. Гэта магло б павялічыць рэсурсы для барацьбы з эпідэміяй, але нанесла б вялікую шкоду эканоміцы.
Што ўвогуле такое каронавірус?
У вірусаў, як у раслін або жывёлін, ёсць розныя сямействы і віды. Каронавірус – гэта сямейства з пэўнымі характарыстыкамі, якое аб’ядноўвае вірусы, якія выклікалі эпідэміі сярод людзей, вірусы якія прыводзяць да вострых рэспіратарных захворванняў, а таксама вірусы, на якія можа захварэць тузін розных відаў жывёлін (ад кажаноў і пацукоў да птушак).
ЮВ belsat.eu
