У аэрапорце Ніжнеангарску (Расея) здзейсніў аварыйную пасадку пасажырскі самалёт Ан-24 авіякампаніі «Ангара». Два пілоты загінулі. Паводле ратавальнікаў, яшчэ 19 чалавек шпіталізавалі, паведамляе «РИА Новости».
Прэс-служба кіраўніка рэспублікі Бураціі паведамляе, што ўсяго на борце самалёта знаходзілася 47 чалавек: 4 чальца экіпажа і 43 пасажыры, у тым ліку трое непоўнагадовых ва ўзросце 2, 13 і 17 гадоў. Загінулі пілот Уладзімір Каломін і тэхнік Алег Барданаў.
17-гадовы хлопец шпіталізаваны з ударамі і 13- гадовы хлопчык з папярэднім дыягназам – закрытая чэрапна-мазгавая траўма.
Раніцай у чацвер Ан-24 вылецеў з Ніжнеангарску ў Улан-Удэ. Пасля ўзлёту адмовіў адзін з рухавікоў. Экіпаж прыняў рашэнне вяртацца ў аэрапорт. Паводле папярэдняй інфармацыі, пры пасадцы самалёт выехаў за межы ўзлётна-пасадачнай паласы і сутыкнуўся з будынкам ачышчальных збудаванняў. Праз гэта адбылося ўзгаранне самалёта.
https://twitter.com/ilax202/status/1144092501009207296?ref_src=twsrc%5Etfw%7Ctwcamp%5Etweetembed%7Ctwterm%5E1144092501009207296&ref_url=https%3A%2F%2Fria.ru%2F20190627%2F1555954190.html
СК распачаў крымінальную справу аб парушэнні правілаў бяспекі палётаў, што пацягнула гібель людзей па неасцярожнасці.
ІІ belsat.eu
