Берасцейскі абласны суд 31 кастрычніка вынес прысуд у крымінальнай справе пра забойства двухмесячнай дзяўчынкі.
Як паведамляе БелТА, суд прызнаў 28-гадовую замежніцу, якая навучаецца ў адным з мясцовых вну, вінаватай у забойстве бездапаможнага дзіцяці. Ёй прызначаныя 12 гадоў пазбаўлення волі ў папраўчай калоніі агульнага рэжыму.
Сігнал пра магчымае злачынства праваахоўнікі атрымалі з установы аховы здароўя. Медыкі паведамілі, што 17 сакавіка ў іх нарадзіла дачку 28-гадовая жанчына, і што цяпер месцазнаходжанне дзіцяці невядома. Працаўнікамі міліцыі на беразе вадаёму знайшлі цела дзяўчынкі, загорнутае ў прасціну.
Паводле следства, 10 траўня жанчына, не жадаючы выконваць бацькоўскія абавязкі, у кватэры свайго знаёмага перакрыла дыхальныя шляхі дзяўчынкі, ад чаго тая памерла. Пасля гэтага маці схавала цела дзіцяці.
Прысуд яшчэ можа быць абскарджаны і апратэставаны.
МГ belsat.eu
