Прадстаўнікам арганізацыі праціўнікаў будаўніцтва акумулятарнага заводу каля Берасця, якая атрымала назву «ЭкаБерасце», адмовілі ў афіцыйнай рэгістрацыі. Пра гэта ім паведамілі 24 ліпеня, перадае радыё «Свабода».
Пісьмовай адмовы актывісты пакуль не атрымалі, але вусна ім паведамілі, што арганізацыю не зарэгіструюць з прычыны «немагчымых для выпраўлення недахопаў».
Устаноўчы сход арганізацыі адбыўся 26 траўня. Яе сузаснавальнікамі сталі 12 чалавек. 26 чэрвеня актывісты падалі дакументы на рэгістрацыю ў Галоўнае ўпраўленне юстыцыі Берасцейскага аблвыканкаму.
Паводле статуту, асноўнай мэтай арганізацыі ёсць падтрыманне, дапамога і прыцягненне грамадскасці да вырашэння экалагічных праблемаў, абарона правоў і свабодаў чалавека.
Між тым 20 ліпеня стала вядома, што завод АКБ, супраць якога выступаюць мясцовыя жыхары, ужо ў трэці раз не здолеў прайсці экалагічную экспертызу.
МГ belsat.eu