Такое пастанаўленне было апублікавана на старонцы Міністэрства антыманапольнага рэгулявання і гандлю.
Зараз маскі і антысептыкі можна будзе набыць не толькі ў аптэцы, але і ў звычайных крамах. Міністэрства антыманапольнага рэгулявання і гандлю абавязала беларускія крамы прадаваць маскі і антысептыкі.
Гэта было зроблена, каб «без перапынкаў забяспечыць беларусаў сродкамі абароны ад каронавіруснай інфекцыі».
Зараз у крамах будуць прадавацца сродкі абароны органаў дыхання, напрыклад, маскі і павязкі. Таксама ў продажы мусяць быць розныя дэзынфікуючыя сродкі: як для скуры, так і для апрацавання паверхняў.
Пастанаўленне пачало дзейнічаць ад 26 траўня.
КТ Belsat.eu