Максімальныя кошты на вуглевадародныя звадкаваныя паліўныя газы для камунальна-бытавога спажывання выраслі. Адпаведная пастанова Міністэрства антыманапольнага рэгулявання і гандлю апублікавана на Нацыянальным прававым інтэрнэт-партале.
Паводле пастановы Міністэрства антыманапольнага рэгулявання і гандлю, максімальны кошты за адну тону газу для арганізацыяў, якія ўваходзяць у склад «Белпалівагаз», на ўмовах «франка-адпраўлення» (у кошт акрамя выдаткаў на вытворчасць уключаюць транспартныя выдаткі) складзе 416,75 рублёў (раней – 400,82 рублёў), на ўмовах «франка-склад арганізацыі-вытворцы» (умова ўгоды прадугледжвае дастаўку тавару пастаўніком) – 415,5 рублёў (раней – 399,62 рублёў). Што датычыцца адпускных коштаў на такі газ для арганізацыяў, што не ўваходзяць у склад «Белпалівагаза», то яна фармуецца з улікам кан’юнктуры рынку.
Выраслі кошты і на газ, якім запраўляюць балоны. Цяпер адна тона каштуе 439,27 рублёў (раней было 422, 48 рублёў за адну тону)
Пастанова не распаўсюджваецца на звадкаваны газ, які рэалізуецца грамадзянам.
СК belsat.eu