За содні колькасць ахвяраў каронавірусу ў Беларусі павялічылася да 47, паведамляе тэлеграм-канал Міністэрства аховы здароўя. Напярэдадні афіцыйна паведамлялася пра 45 памерлых з каронавіруснай інфекцыяй. 86 чалавек у цяжкім стане.
За апошні дзень вырасла колькасць асобаў, якія знаходзяцца на стацыянарным лячэнні. Паводле Мінаховы здароўя, па стане на 19 красавіка у шпіталях 3538 чалавек (18 красавіка паведамлялася пра 3282 чалавекі). Астатнія знаходзяцца на амбулаторным лячэнні, або выпісаныя пасля праходжання лячэння. Але іх колькасць медыкі не агучваюць.
Па стане на 19 красавіка ў Беларусі паправіліся і былі выпісаныя 494 пацыенты. Надалей пад асаблівай увагай медыкаў, у сувязі з цяжарам захворвання, знаходзяцца 86 асобаў. Ахвярамі каронавіруснай інфекцыі сталі 47 чалавек.
Апошні раз статыстыку па колькасці інфікаваных Мінаховы здароўя агучыла 17 красавіка. Па стане на гэты дзень у Беларусі было зарэгістравана 4779 чалавек з наяўнасцю каронавіруснай інфекцыі. Памерлі 42 чалавекі. Але з 18 красавіка Мінаховы здароўя пачало даваць іншыя лічбы. Па стане на 18 красавіка, паводле афіцыйных падлікаў, у шпіталях на лячэнні 3 282 чалавекі, інфікаваных каронавірусам. Выздаравелі і былі выпісаныя са шпіталяў 458 асобаў. Інфекцыя забрала жыцці 45 чалавек. Верагодна, Мінаховы здароўя не ўключае ў агульную статыстыку тых, у каго пацверджаная каронавірусная інфекцыя, але праходзіць лячэнне дома.
СК belsat.eu