У Беларусі пачалі вяртаць сродкі тым, хто паспеў сплаціць «падатак на дармаедаў», прадугледжанага Дэкрэтам №3. Пра гэта паведаміла намеснік міністра па падатках і зборах Святлана Шаўчэнка, перадае БЕЛТА.
«Вяртанне збору будзе ажыццяўляцца тым асобам, якія ўжо прыступілі да працы. Гэта і будзе зроблена, такое распараджэнне сёння ёсць, і падатковыя органы прыступілі да працы», – патлумачыла яна.
Адказваючы на пытанне, колькім грамадзянам ужо вярнулі збор, намеснік міністра расказала, што канкрэтных лічбаў пакуль няма.
«Распараджэнне толькі прынятае, і мы літаральна на днях прыступілі да працы. Па выніках давядзем інфармацыю», – адзначыла яна.
Дэкрэт № 3 «Аб папярэджанні сацыяльнага ўтрыманства» быў прыняты 2 красавіка 2015 года. Дэкрэт абавязвае ўсіх, хто на працягу году працаваў менш за 183 каляндарныя дні, выплачваць збор у 20 базавых велічынь («падатак на дармаедства»).
У лютым-сакавіку 2017 году «падатак на дармаедства» выклікаў масавыя пратэсты ў Беларусі. У адказ на гэта Аляксандр Лукашэнка ўвёў гадавы мараторыі на выкананне дэкрэту.
«Падатак на дармаедства»паспелі сплаціць больш за 54 тысячы беларусаў.
ІІ, belsat.eu