Новы віцэ-прэм'ер, экс-кіраўнік «Беллеспаперапраму», будзе курыраваць нафтахімію
Аляксандр Лукашэнка прызначыў экс-кіраўніка «Беллеспаперапрам» Юрыя Назарава віцэ-прэмʼерам, паведамляе БелТА.
Кіраўнік Беларусі Аляксандр Лукашэнка прызначыў Юрыя Назарава намеснікам прэмʼер-міністра. Аляксандр Лукашэнка адзначыў, што даручаў кіраўніку Адміністрацыі прэзідэнта папярэдне абмеркаваць гэтае пытанне з Юрыем Назаравым.
«Ён мне ўчора распавёў пра вашую размову і пытаннях, якія вас хвалююць у сувязі з гэтым», – сказаў кіраўнік дзяржавы ў размове з новым віцэ-прэм’ерам, словы Лукашэнкі цытуе БелТА.
На новай пасадзе Назараў будзе курыраваць развіццё нафтахімічнага комплексу.
Да прызначэння Назарава нафтавыя пытанні ва ўрадзе былі ў сферы адказнасці Ігара Ляшэнкі. 3 сакавіка Аляксандр Лукашэнка вызваліў Ляшэнку з пасады віцэ-прэмʼера «ў сувязі з пераходам на іншую працу».
Юрый Назараў нарадзіўся ў 1962 годзе ў Горках Магілёўскай вобласці. Працаваў у міністэрстве лясной гаспадаркі, з 2010 да 2013 году быў намеснікам кіраўніка справаў прэзідэнта. Са снежня 2013 году ўзначальваў канцэрн «Беллеспаперапрам».
СК belsat.eu
