Па стане на трэцяга ліпеня медыкі ў Беларусі выявілі 62 997 інфікаваных каронавірусам, такія звесткі агучвае ў сваім Telegram-канале Мінздароўя.
Паводле Міністэрства аховы здароўя, у Беларусі па стане на 3 ліпеня ачунялі і выпісаныя 49 909 пацыентаў, у якіх раней быў пацверджаны дыягназ COVID-19.
Зарэгістраваныя 62 997 асобаў з станоўчым тэстам на COVID-19. За содні колькасць інфікаваных павялічылася на 299.
Міністэрства аховы здароўя рапартуе, што ў Беларусі ўсяго праведзена 1 043 876 тэстаў.
«За ўвесь перыяд распаўсюду інфекцыі на тэрыторыі краіны памерлі 412 пацыентаў з шэрагам хранічных захворванняў з выяўленай, каронавіруснай інфекцыяй».
За содні памерлі сем пацыентаў.
СК belsat.eu