У розных раёнах краіны прагназуецца спякотнае надвор’е, перадае БелТА.
У Беларусі 8 чэрвеня абвясцілі аранжавы ўзровень небяспекі з-за спякотнага надворʼя. На паўднёвым усходзе краіны прагназуецца тэмпература да 30-32 градусаў цяплыні днём, 14-16 градусаў уначы.
Пры гэтым сіноптыкі прагназуюць пераменлівую воблачнасць і, пераважна ў заходніх раёнах пройдуць кароткачасовыя дажджы, месцамі навальніцы, вецер паўднёва-ўсходні, паўднёвы ўмераны, пры навальніцах – парывісты.
Імаверны ў пэўных раёнах слабы туман. Спякотнае надворʼе захаваецца і 9-10 чэрвеня.
КТ belsat.eu
