Беларусь і Вялікая Брытанія правядуць сумесныя вайсковыя вучэнні. Пра гэта паведамілі ў беларускім Міністэрстве абароны.
Сумеснае трэнаванне беларускіх міратворцаў з падраздзяленнем марской пяхоты Вялікай Брытаніі пройдзе з 1 па 14 сакавіка. Яго мэта – падрыхтоўка міратворчай роты 103-й Віцебскай асобнай паветрана-дэсантнай брыгады да ўдзелу ў міратворчай дзейнасці ААН.
29 лютага ў Беларусь ужо прыбылі брытанскія вайскоўцы са складу перадавой групы суправаджэння рыштунку.
Прыбыццё асноўнага складу брытанскіх марскіх пяхотнікаў запланаванае 1 сакавіка.
МГ belsat.eu