Былога амбасадара Расеі ў Беларусі Міхаіла Бабіча прызначылі намеснікам міністра эканамічнага развіцця РФ. Адпаведнае распараджэнне падпісаў кіраўнік расейскага ўраду Дзмітрый Мядзведзеў.
Міхаіл Бабіч пакінуў расейскую амбасаду ў Менску, прапрацаваўшы менш за год (з 24 жніўня 2018 года да 30 красавіка 2019 год). Яго адклікалі з Менску пасля канфлікту з беларускім МЗС, тады бакі абмяняліся даволі рэзкімі рэплікамі.
Новым прадстаўніком Масквы ў Менску стаў Дзмітрый Мезенцаў.
Мезенцаў – давераная асоба Пуціна. Яны ведаюць адзін аднаго з 90-х гадоў. Разам з Пуціным працавалі ў мэра Санкт-Пецярбургу Анатоля Сабчака. Мезенцаў у структурах адміністрацыі Санкт-Пецярбургу займаўся сродкамі масавай інфармацыі. Потым пераехаў у Маскву і працаваў у перадвыбарным штабе Пуціна ў 2000 годзе.
ДР belsat.eu