Турцыя аднаўляе палёты ў Беларусь. Пазней, чымся ў Польшчу і Літву

Турцыя, пачынаючы з 10 чэрвеня, аднаўляе авіяпералёты з 70 дзяржавамі, паведамляе Turizm Guncel.

Першыя пералёты будуць адноўленыя 10 чэрвеня з Бахрэйнам, Балгарыяй, Катарам і Грэцыяй.

Авіястасункі з Беларуссю і Украінай адновяць з 1 ліпеня.

Для параўнання пералёты з Польшчай і Літвой узновяцца 15 чэрвеня, з Латвіяй – 22 чэрвеня, а з Расеяй – 15 ліпеня.

Эстонія часова забараніла палёты ў 7 краін. Сярод іх Беларусь

Самай апошняй краінай, з якой плануецца аднавіць авіязносіны, з’яўляюцца ЗША – з 1 верасня.

МГ belsat.eu

Hавiны