Міністр абароны Амір Хатамі заявіў, што Іран адпомсціць ЗША за забойства кіраўніка спецназу «Кудс» Корпуса вартавых ісламскай рэвалюцыі (КВІР) Касэма Сулеймані, які загінуў у выніку авіяўдару ў Багдадзе. Пра гэта паведамляе Reuters.
«За несправядлівае забойства Сулеймані мы рашуча адпомсцім… Мы адпомсцім усім, хто ўдзельнічае ў ягоным забойстве», – сказаў Хатамі.
Міністр замежных справаў Джавад Зарыф у сваім «Тўітэры» назваў забойства генерала Сулеймані актам міжнароднага тэрарызму з боку ЗША. Паводле міністра, Сулеймані найбольш эфектыўна змагаўся з «Аль-Каідай» і «Ісламскай дзяржавай» і ягоная смерць прывядзе да эскалацыі канфлікту ў рэгіёне. Зарыф адзначыў, што ЗША нясуць усю адказнасць за наступства сваёй авантуры.
- Генерал Касэм Сулеймані, камандуючы элітным спецпадраздзяленнем «Кудс» у складзе Корпуса вартавых Ісламскай рэвалюцыі, забіты ў Іраку ў выніку авіяўдару ЗША. У Пентагоне заявілі, што авіяўдар быў нанесены па загаду прэзідэнта Доналда Трампа.
- Авіяўдар па Сулеймані быў нанесены праз некалькі дзён пасля спробы пратэстоўцаў у Багдадзе ўзяць штурмам амерыканскую амбасаду. У Вашынгтоне заявілі, што напад на дыпмісію быў здзейснены па распараджэнні генерала Сулеймані. Паводле інфармацыі амерыканскіх вайскоўцаў, Сулеймані і спецназ «Кудс» нясуць адказнасць за гібель сотняў амерыканскіх вайскоўцаў, а таксама вайскоўцаў міжнароднай кааліцыі, і за раненні тысяч з іх.
Hавiны
У выніку авіяўдару ЗША загінуў іранскі генерал
2020.01.03 06:36
ІІ belsat.eu
