Сусветная арганізацыя здароўя перадала ў Беларусь наборы для правядзення тэстаў на каронавірус COVID-19. Пра гэта 3 красавіка паведамілі БелТА ў прадстаўніцтве ААН у Беларусі.
У арганізацыі адзначылі, што наборы нямецкай вытворчасці дапамогуць правесці 6 тыс. тэстаў. Яны ўжо знаходзяцца ў лабараторыі РНПЦ эпідэміялогіі і мікрабіялогіі, дадалі ў прадстаўніцтве ААН.
2 красавіка Міністэрства аховы здароўя Беларусі заяўляла, што ў Беларусі маюцца як айчынныя, так і імпартныя тэст-сістэмы – у запасе больш за 11 тысяч тэстаў для правядзення лабараторных даследаванняў, працуюць 9 лабараторый, яшчэ 3 будуць запушчаныя пры неабходнасці.
За дзень да таго паведамлялася, што ў краіне было праведзена больш за 32 тыс. тэстаў на каронавірус.
МГ belsat.eu