Першы віцэ-прэзідэнт Нацыянальнага алімпійскага камітэту Беларусі наведаў з афіцыйным візітам Швейцарыю. Пра гэта паведамляе сайт НАК.
У Лазане Віктар Лукашэнка сустрэўся з прэзідэнтам Швейцарскай алімпійскай асацыяцыі Юргам Шталем. Бакі абмеркавалі перспектывы пашырэння супрацы ў спорце ды інтэнсіфікацыю ўзаемадзеяння паміж алімпійскімі камітэтамі дзвюх краін.
Юрг Шталь у сваю чаргу адзначыў поспех II Еўрапейскіх гульняў у Менску і наяўнасць у краіны досведу, інфраструктуры для правядзення новых міжнародных спартыўных падзеяў самага высокага ўзроўню.
Таксама беларуская дэлегацыя сустрэлася 20 студзеня з беларускімі спартоўцамі, якія ўдзельнічаюць у III зімовых юнацкіх Алімпійскіх гульнях, ды азнаёмілася з некаторымі спартыўнымі аб’ектамі гульняў.
Прадстаўнікі НАК паназіралі за розыгрышам медалёў у шорт-трэку ды за перамогай хакейнай зборнай Расеі над Даніяй.
МГ belsat.eu
