Афіцыйная прадстаўніца ўпраўлення Следчага камітэту на Гарадзеншчыне Іна Пазняк у эфіры «Радыё Менск» распавяла падрабязнасці трагедыі ў Зэльвенскім раёне, дзе пасля збівання бацькам загінула 4-гадовая дзяўчынка.
Паводле СК, суправаджэнне дзяцей дзяржаўнымі органамі і ўстановамі была фармальным. Пра пераезд сям’і ў верасні службы Слонімскага раёну не паведамілі зэльвенскім калегам. У выніку больш за месяц становішчам дзяцей ніхто не цікавіўся, іх месца жыхарства, стаўленне бацькі і ўтрыманне не кантраляваліся.
У межах справы дапытаныя асобы, адказныя за суправаджэнне дзяцей, якіх вяртаюць у семʼі.
З малодшай дачкой мужчыны і дачкою ягонай сужыцелькі працуюць псіхолагі.
Самому ж затрыманаму выстаўленае абвінавачванне ў забойства заведама малалетняга. Ён заключаны пад варту.
У Зэльвенскім раёне 25-гадовы мужчына моцна збіў сваю чатырохгадовую дачку. Увечары 18 кастрычніка яе шпіталізавалі без прытомнасці. 20 кастрычніка дзяўчынка памерла.
МГ belsat.eu