З прычыны развіцця выкліканага каронавірусам эканамічнага крызісу кошт нафты маркі Brent можа ўпасці да $ 10 за барэль. Пра гэта паведамляе РИА Новости.
Як заявіў кіраўнік кірунку перспектыўных даследаванняў «Next Generation» швейцарскага банку «Julius Baer» Карстэн Мэнке, кошт нафты маркі Brent можа апусціцца да $ 10, калі адбудзецца доўгатэрміновы спад у глабальнай эканоміцы.
У прыватнасці, неабходная забарона прынамсі на некалькі месяцаў на пералёты паміж большасцю краін, забароны для людзей знаходзіцца па-за домам, рэзкі спад выкарыстання ўсіх відаў транспарту.
«90 % глабальнага попыту на нафту звязана з тэмамі мабільнасці або транспарту, таму яны з’яўляюцца найважнейшымі элементамі», – сказаў Мэнке.
Але, паводле яго, пакуль працягваюць лётаць грузавыя самалёты, працягваюцца пастаўкі па моры, а людзі па-ранейшаму перамяшчаюцца паміж краінамі, «таму сітуацыя рухаецца ў тым напрамку толькі часткова».
20 сакавіка цана нафты маркі Brent на гандляваннях у Лондане ўпала на 4 %, на мінімуме каціроўкі апускаліся да адзнакі $ 26,82 за барэль. На максімумах нафта каштавала $ 30,92 за барэль. Цана тэхаскай нафты маркі WTI апускалася да $ 22,41 за барэль.
МГ belsat.eu