Дзяржаўны сакратар Савету бяспекі Беларусі Андрэй Раўкоў 29 студзеня прыняў часовага паверанага ў справах ЗША ў Менску і васковых аташэ краінаў NATO. Пра гэта паведамляе БелТА са спасылкай на дзяржсакратарыят Савету бяспекі.
Сустрэча прайшла з ініцыятывы амерыканскага боку. Апроч Джэніфэр Мур, часовай паверанай у справах ЗША ў Менску, у ёй узялі ўдзел вайсковыя аташэ ЗША, Нямеччыны і Польшчы.
Бакі абмеркавалі пытанні беларуска-амерыканскага ўзаемадзеяння, праблемы міжнароднай і рэгіянальнай бяспекі ў кантэксце планаў правядзення маштабных вайсковых вучэнняў «Абаронца Еўропы – 2020».
Замежныя партнёры распавялі пра падрыхтоўку да манеўраў і пацвердзілі гатовасць прадэманстраваць максімальную транспарэнтнасць вучэнняў.
Нагадаем, што 1 лютага ў Менск прыляціць кіраўнік Дзярждэпартаменту ЗША Майк Пампэёў. Дзяржсакратар мае намер сустрэцца з Аляксандрам Лукашэнкам і кіраўніком МЗС Беларусі Уладзімірам Макеем, каб «пацвердзіць жаданне нармалізаваць» двухбаковыя адносіны.
МГ belsat.eu
