ЕЗ імкнецца захаваць транзіт газу праз украінскую тэрыторыю. З гэтай мэтай Расея і Еўракамісія прыступілі да кансультацый перад трохбаковай сустрэчай з Украінаю, на якой будуць абмяркоўвацца перспектывы транзіту расейскага газу.
Кантракты, падпісаныя ў 2009 годзе «Газпромам» і «Нафтагазам», – аб пастаўках газу на Украіну і аб транзіце газу праз тэрыторыю краіны ў Еўропу завершацца напрыканцы 2019 году. Лёс транзіту газу праз Украіну абмяркоўваецца і ў кантэксце ўжо распачатага будаўніцтва газаправода «Паўночны паток – 2», які праходзіць у абыход транзітных дзяржаў.
Акрамя таго, Расея і ЕК плануюць абмеркаваць адлучэнне прыбалтыйскіх краінаў ад энергасістэмаў Расеі і Беларусі.
Пасля перамоваў запланаваныя кансультацыі Еўракамісіі з украінскім бокам.
СК, belsat.eu