Выплочваць запазычанасць Беларусь можа пачаць ажно ад 1 красавіка 2023 года.
Урад Расеі адтэрмінаваў час выплаты крэдыту за будаўніцтва Астравецкай АЭС. Інфармацыя аб гэтым з’явілася на расейскім афіцыйным інтэрнэт-партале прававой інфармацыі.
БелАЭС у Астраўцы.
Фота: Міністэрства энергетыкі Рэспублікі Беларусь
Згодна з дакументам Беларусь можа:
- падоўжыць перыяд выкарыстання крэдыту да канца 2022 году
- працэнтная стаўка будзе не «мяшанай», а фіксаванай – 3,3%
- дата пачатку выплаты крэдыту пераносіцца на 1 красавіка 2023 года, замест 2021
- на пратэрмінаваную запазычанасць будуць налічвацца працэнты па стаўцы 3,3% гадавых плюс маржа ў 2%
Дакумент быў падрыхтаваны Міністэрствам фінансаў і ўзгоднены з расейскім МЗС, Міністэрствам эканомікі і развіцця, а таксама з кампаніяй «Росатом», якая і будуе станцыю.
Расея выдзеліла Беларусі $ 10 млрд крэдыту, большасць якога пайшла на будаўніцтва АЭС.
Запуск першага энергаблоку беларускай АЭС плануецца ў ліпені 2020 году.
КТ belsat.eu
