Ягор Рыбакоў, расейскі актор тэатру і кіно, упершыню прыехаў у Беларусь і апынуўся ў пастарунку Шчукінскага раёну Масквы.
У Менску Ягор адправіўся вывучаць усё, звязанае з беларускім кіно. Спачатку ў Музеі гісторыі беларускага кіно ён прымерыўся да ролі кінааператара ды мантажыста.
Пазней маскоўскі госць пайшоў шукаць шчасця на кастынг у «дзяржаўную фабрыку мрояў», на «Беларусьфільм». Блукаючы па кінастудыі, Ягор нечакана трапіў у РАУС Шчукінскага раёну Масквы.
У павільёнах «Беларусьфільму» знялі больш за 900 серыяў расейскага серыялу пра паліцэйскіх «Мухтар. Новы след», пасля чаго і засталіся дэкарацыі пастарунку.
З Менску падарожжа цікаўнага расейца па Сінявокай толькі пачалося. Навошта Ягор прыехаў у Беларусь? Што ён рабіў у Наваградку і чаму наведаў маленькую вёску на Гарадзеншчыне? За якімі беларускімі суперздымкамі пашчасціла назіраць Ягору Рыбакову? Глядзіце ў праграме «Welcomе ў Беларусь» (відэа вышэй).
Іншыя выданні праграмы пра прыгоды замежнікаў у Беларусі глядзіце тут.