Прыняцце пагаднення паміж Беларуссю і Расеяй пра ўзаемнае прызнанне візаў залежыць ад рашэнняў кіраўнікоў дзвюх дзяржаваў. Пра гэта 10 снежня на навукова-практычнай канферэнцыі ў Маскве паведаміў дзяржсакратар Саюзнай дзяржавы Грыгорый Рапота.
Чыноўнік адзначыў, што само пагадненне пра ўзаемнае прызнанне візаў ужо гатовае. Застаецца толькі паставіць завяршальныя кропкі на ўзроўні кіраўнікоў дзяржаў, перадае БелТА.
Рапота таксама закрануў пытанне адмены роўмінгу паміж Беларуссю і Расеяй. Паводле яго, пытанне ўперлася ў інтарэсы аператараў сувязі.
«Вядома ж, бізнес-інтарэсы павінны быць улічаныя», – заявіў дзяржсакратар.
Раней паведамлялася, што дакумент аб адмене роўмінгу паміж Беларуссю і Расеяй можа быць падпісаны да 15 верасня – то бок, амаль тры месяцы таму.
МГ belsat.eu