Скандальна вядомая Насця Рыбка (Настасся Вашукевіч) і ейны партнёр па бізнесе Алекс Леслі (Аляксандр Кірылаў) адправіліся на допыт. Іх абвінавачваюць ва ўцягванні ў прастытуцыю.
На сваёй старонцы ва «УКантакце» Насця Рыбка апублікавала сэлфі з Алексам Леслі.
«Едзем на допыт. Рабіце стаўкі – ці пасадзяць нас сёння?.. Пс – мяне сёй-той абараняе», – падпісала бабруйчанка свой фотаздымак.
Насця Рыбка з Бабруйску здабыла вядомасць пасля расследавання Аляксея Навальнага, прысвечанага сувязям алігарха Алега Дзерыпаскі з віцэ-прэм’ерам Расеі Сяргеем Прыходзькам. Неўзабаве пасля гэтага яна зʼехала ў Тайланд, дзе была арыштаваная па падазрэнні ў арганізацыі нелегальных секс-трэнінгаў. З Тайланду яе і Алекса Леслі дэпартавалі ў Расею. Іх затрымалі ў маскоўскім аэрапорце Шарамецьева і прадʼявілі абвінавачанні ва ўцягванні ў прастытуцыю.
Абвінавачаныя не прызнаюць сваёй віны.
ЮВ, belsat.eu