Самалёт пры пасадцы у стамбульскім аэрапорце імя Сабіхі Гёкчэн выкаціўся за межы ўзлётна-пасадачнай паласы і разваліўся на некалькі частак, піша «Reuters» са спасылкаю на «Hurriet». У выніку аварыі ніхто не загінуў, але ў шпіталі даставілі 120 пацярпелых, падае NTV.
Самалёт, які прыляцеў з Ізміру, праехаў узлётна-пасадачную паласу і раскалоўся на некалькі частак.
Пасля заносу самалёт загарэўся, але ратаўнікі заявілі, што патушылі пажар, падае AP.
Частку пасажыраў эвакуявалі праз шчыліны ў самалёце, іншыя пакінулі лайнер самастойна.
На борце, які належыць авіякампаніі «Pegagus», было 177 пасажыраў, ніхто з якіх не загінуў. 120 чалавек даставілі ў шпіталі. Абодва пілоты знаходзяцца ў цяжкім стане.
Аэрапорт Гёкчэн часова закрылі, рэйсы пераадрасоўваюць у другі аэрапорт Стамбулу.
ДД belsat.eu
