Прэзідэнт Балівіі Эва Маралес, які амаль 14 гадоў кіраваў краінай, падаў у адстаўку на фоне масавых пратэстаў у краіне.
«Мы былі ва ўладзе 13 гадоў, 9 месяцаў і 18 дзён дзякуючы адзінству і волі народа. Нас абвінавачваюць у дыктатуры тыя, хто прайграваў нам на столькіх выбарах», – адзначыў ужо экс-прэзідэнт у сваім «Тўітэры».
Hemos estado en el Gobierno 13 años, nueve meses y 18 días gracias a la unidad y voluntad del pueblo Nos acusan de dictadura los que perdieron ante nosotros en tantas elecciones. Hoy Bolivia es una Patria libre, una Bolivia con inclusión, dignidad, soberanía y fortaleza económica
— Evo Morales Ayma (@evoespueblo) November 10, 2019
Маралес выказаў надзею, што ягоны сыход дапаможа спыніць гвалт у краіне і беспарадкі.
У Балівіі ўжо тры тыдні адбываюцца масавыя акцыі пратэсту. Яны распачаліся пасля прэзідэнцкіх выбараў, на якіх перамог Маралес. Ягоны асноўны апанент Карлас Меса не прызнаў афіцыйныя вынікі выбараў і абвінаваціў дзейнага прэзідэнта ў спробе сфальсіфікаваць вынікі галасавання. У краіне распачаліся масавыя пратэсты, а 8 лістапада на бок дэманстрантаў пачалі пераходзіць паліцэйскія.
МГ belsat.eu