Прэс-сакратар Пуціна пракаментаваў заяву польскага прэм'ера пра «Паўночную плынь – 2» і «паход» на Украіну
19.11.201810:50
Дзмітрый Пяскоў прапанаваў не палітызаваць расейскі праект «Паўночную плынь – 2».
«Паўночная плынь – 2» – магістральны газаправод з Расеі ў Нямеччыну, які праходзіць па дне Балтыйскага мора. Яго працягласць 1200 км.
17 лістапада падчас выступу ў Гамбургу на канферэнцыі «Future of Transatlantic Relations» кіраўнік польскага ўраду Матэўш Маравецкі адзначыў, што пасля завяршэння будаўніцтва газаправоду ўкраінская інфраструктура больш не будзе патрэбная Маскве ў якасці каналу паставак газу ў Еўропу. «Што тады паўстрымае Уладзіміра Пуціна ад паходу на Кіеў», – цытуе польскага прэмʼера «Польскае прэсавае агенцтва».
«Гэта няўдалая заява. «Паўночная плынь – 2» – гэта камерцыйна выгадны і эканамічна абгрунтаваны праект», – заявіў Пяскоў.
Пачатак працы «Паўночнай плыні – 2» запланаваны на канец 2019 года.
ЮВ, belsat.eu
