У Тэгеране ды іншых гарадах Ірану 11 студзеня сотні дэманстрантаў, абураныя знішчэннем украінскага «Боінгу», патрабавалі адстаўкі вярхоўнага лідара краіны аяталы Алі Хамэнэі.
У Тэгерану пратэсты адбываліся перад будынкам Тэхналагічнага універсітэту імя Аміра Кабір і і ля будынку Тэхналагічнага універсітэта імя Шарыфа, адной з самых прэстыжных навучальных установаў у краіне. Па меншай меры 10 загінулых у авіякатастрофе былі выпускнікамі гэтага ўніверсітэту, адзначае Бі-Бі-Сі.
Паводле Reuters, пратэсты адбываліся таксама ў Шыразе, Ісфахане, Хамадане ды Урміі.
«Галоўнакамандуючы, сыходзь!» – скандавалі дэманстранты, абураныя тым, што іранскія вайскоўцы ў сераду выпадкова збілі ўкраінскі пасажырскі самалёт.
Нагадаем, сярод 176 чалавек, якія знаходзіліся на борце, было 83 іранца і дзясяткі канадцаў іранскага паходжання. Усе яны загінулі.
Відэа пратэстаў з’явіліся ў сацыяльных сетках. Пратэстоўцы скандавалі «Адстаўкі недастаткова, патрэбны суд!», «Смерць хлусам», «Дыктатар, чальцы Корпусу вартавых Ісламскай рэвалюцыі, вы наша ІД», «Смерць рэжыму», «Касем Салеймані – забойца, Хаменеі – забойца».
January 11 – Tehran, #Iran
"Dictator, IRGC members, you are our Daesh (ISIS)!"
While the mullahs & IRGC describe themselves as the nemesis of ISIS, the Iranian people think otherwise.#IranProtestspic.twitter.com/5QfMC9NlQp— People's Mojahedin Organization of Iran (PMOI/MEK) (@Mojahedineng) January 11, 2020
VIDEO: Listen for gunshots as government forces shoot at protesters at Tehran University. Protesters chant “Death to the Dictator!” in response to the shooting down of plane. #IranProtests pic.twitter.com/8VDPpLmNHn
— Lisa Daftari (@LisaDaftari) January 11, 2020
Супраць дэманстрантаў сілавікі ўжылі слёзатачывы газ, вадамёты і святлашумавыя гранаты.
حمله وحشی ها به مردم#دانشگاه_امیرکبیر #IranProtests pic.twitter.com/vj5tOAzIbg
— NΔDOOOOR (@na_doooore) January 11, 2020
The Iranian people continue their protests against the lies, incompetence, and cruelty of the ayatollah’s regime. #IranProtests pic.twitter.com/iF6aJFc0T3
— Department of State (@StateDept) January 12, 2020
Падчас пратэстаў у Тэгеране на некалькі гадзінаў быў затрыманы амбасадар Вялікай Брытаніі ў Іране. Паводле СМІ, яго абвінавацілі ў падбухторванні дэманстрантаў, хаця ён проста фатаграфаваў пратэстоўцаў. У брытанскім МЗС назвалі гэты інцыдэнт «абуральным парушэннем міжнароднага права».
Колькі было затрымана дэманстрантаў і ці шмат людзей пацярпела падчас сутыкненняў з сілавікамі – невядома.
ІІ belsat.eu