На Кастрычніцкай плошчы ў Менску адбыўся мітынг у межах парламенцкай выбарчай кампаніі.
19:12 Мікалай Статкевіч анансаваў чарговую акцыю на плошчы Свабоды. Яна пачнецца заўтра а 18:00.
19:05 Назіральнікі #ControlBY налічылі 200 чалавек на Плошчы Свабоды.
19:00 Стала вядома пра затрыманне на Кастрычніцкай плошчы актывісткі анархісцкага руху.
18:50 Прамаўляе Ірына Халіп. Паводле яе, змены ў краіне не магчымыя без моцнага вулічнага пратэсту. Яна адзначае, што апошнім разам выступала супольна з Мікалаем Статкевічам на акцыі 19 снежня 2010 году.
18:33 Калона ўдзельнікаў акцыі рушыла з Кастрычніцкай плошчы на плошчу Свабоды.
18:30 А вось так выглядае сустрэча з кандыдатамі ў дэпутаты ў Гомлі.
18:15 Міліцыянты просяць не выходзіць на дарогу тых, хто прыйшоў на акцыю (каля 100 чалавек).
18:06 Паводле журналісткі Ірыны Халіп, актывістку «Еўрапейскай Беларусі» Вольгу Нікалайчык затрымалі праваахоўнікі. Яна не даехала на акцыю.
18:00 Кастрычніцкая па перыметры абнесеная пластыкавай агароджай. А ў цэнтры плошчы рабочыя ўсталёўваюць елку.
У мінулую пятніцу на акцыі #чтодальше мітынг на Кастрычніцкай плошчы анансаваў актывіст грамадзянскай кампаніі «Еўрапейская Беларусь» Яўген Афнагель.
Нагадаем, што 8 лістапада на плошчы Свабоды ў Менску адбылася акцыя з віртуальным удзелам вядомага беларускага відэаблогера NEXTA.
ЮВ belsat.eu