Першыя выпадкі заражэння і смерці ад новага тыпу каронавіруса COVID-19 фіксуюцца ва ўсё новых краінах.
Першыя смерці ад каронавіруса зафіксаваныя ў Тайландзе і ЗША. У Тайландзе памерламу было 35 гадоў, ён таксама хварэў на ліхаманку дэнге, паведамляе Reuters.
У ЗША пра першы выпадак смерці ад віруса заявіў прэзідэнт Доналд Трамп. Паводле яго, гаворка ідзе пра жанчыну, старэйшую за 50 гадоў, якую раней аднеслі да ліку «пацыентаў з фактарамі высокай рызыкі». Яшчэ чатыры чалавекі знаходзяцца ў цяжкім стане.
У сваю чаргу прэм’ер-міністр Арменіі Нікол Пашынян паведаміў у Facebook пра першы выпадак заражэння новым каронавірусам на тэрыторыі краіны. Пацыенту 29 гадоў, ён прыляцеў са сваёй жонкай з Ірану 28 лютага. Вынік тэсту на каронавірус у жанчыны адмоўны.
Սիրելի հայրենակիցներ, մոտ երկու ժամ առաջ կորոնավիրուսով հիվանդացության հաստատված դեպք ունեցանք՝ ցավոք։ Պացիենտը ՀՀ 29…
Opublikowany przez Nikola Pashinyana / Նիկոլ Փաշինյան Sobota, 29 lutego 2020
Міністэрства здароўя Ірландыі таксама паведаміла пра першы выпадак заражэння COVID-19. Хвораму мужчыне, які нядаўна наведваў поўнач Італіі, зараз аказваецца медычная дапамога.
Апроч таго, першы выпадак заражэння на тэрыторыі краіны пацвердзіла Міністэрства здароўя Люксембурга. Як паведамляе Reuters, пацыент, якому прыкладна 40 гадоў, вярнуўся з паездкі ў Італію з перасадкай у бельгійскім аэрапорце Брусэль-Шарлеруа.
28 лютага Генеральны дырэктар САЗ Тэдрас Гебрэесус заявіў у Twitter пра рашэнне абвясціць максімальна высокі ўзровень пагрозы эпідэміі каронавіруса.
МГ belsat.eu
