Лідар Паўночнай Карэі Кім Чэн Ын 1 траўня прыняў удзел у цырымоніі адкрыцця заводу фосфарных угнаенняў у горадзе Сунчхон, паведаміла дзяржаўнае інфармацыйнае агенцтва Паўночнай Карэі ЦТАК.
Акрамя ЦТАК, яшчэ некалькі здымкаў Кім Чэн Ына выклала паўночнакарэйскае выданне «Надон сінмун». На некаторых фотаздымках бачны банер «Цырымонія завяршэння будаўніцтва Сунчхонскага заводу па вытворчасці ўгнаенняў» з датай мерапрыемства – «1 траўня 2020 года».
NEW photos of Kim Jong Un:
KJU was reported to have attended a ribbon cutting event at the Sunchon fertilizer factory to mark May 1’s International Labor Day, making it his first public appearance in state media in 21 days. https://t.co/LAeDR8b2DE pic.twitter.com/0FBVlUWgZF
— NK NEWS (@nknewsorg) May 1, 2020
Кім Чэн Ын не з’яўляўся на публіцы з 11 красавіка і прапусціў, у прыватнасці, цырымонію з нагоды 108-годдзя з дня нараджэння заснавальніка КНДР Кім Ір Сена. Працяглая адсутнасць паўночнакарэйскага лідара на публіцы справакавала чуткі пра яго хваробы і нават смерці. Пры гэтым здагадкі пра смерць Кім Чэн Ына афіцыйныя асобы Паўднёвай Карэі аспрэчвалі.
ІІ belsat.eu