Спектакль «Паўлінка» прызнаны нематэрыяльнай гісторыка-культурнай каштоўнасцю, паведаміў намеснік дырэктара Нацыянальнай бібліятэкі Беларусі Алесь Суша.
«Не паверыце! Толькі што прынята рашэнне аб наданні статусу нематэрыяльнай гісторыка-культурнай каштоўнасці тэатральнаму феномену – Купалаўскай “Паўлінцы”», – напісаў Суша ў сваім Facebook’у.
Рашэнне Рэспубліканскай навукова-метадычнай рады ў пытаннях гісторыка-культурнай спадчыны пры Міністэрстве культуры было адзінагалосным.
Пʼесу «Паўлінка» Янка Купала напісаў у 1912 годзе. На сцэне яна зʼявілася ў 1913-ым, а ў Купалаўскім тэатры яе паставілі ў 1944 годзе.
ЮВ belsat.eu