У снежаньскім нумары амерыканскага часопісу TIME апублікаваны партрэт прэм’ер-міністаркі Новай Зеландыі Джасінды Ардэрн, які быў напісаны мастачкай з Менску Вікторыяй Савянковай.
TIME magazine ordered this portrait from me for their Person of the Year issue. It is Jacinda Ardern, Prime Minister of…
Opublikowany przez Viktorię Savenkovą Czwartek, 12 grudnia 2019
«Мастакі малявалі партрэты шасці лідараў, – распавяла citydog.by Вікторыя Савянкова. – Я не ведала крытэраў адбору, але рада, што мяне абралі менавіта для Джасінды. Партрэт апублікавалі ў фінальным снежаньскім выпуску «Чалавек года» (TIME Person of the Year), і гэта вельмі значная для мяне падзея».
Галоўныя крытэрыі TIME – гэта тэрміны і фармат. На ўсю працу мастачцы далі чацвёра з паловай сутак.
«Мне скінулі фатаграфіі, на аснове якіх я зрабіла эскіз, – кажа Вікторыя Савянкова. – Мне далі поўны выбар па стылістыцы, кампазіцыі і каларыту – гэта асабліва важна і дорага для мастака. Я прывыкла працаваць з вялікімі фарматамі, таму адразу вырашыла пісаць партрэт большага памеру».
Праз два дні прадстаўнікі часопісу звязаліся з мастачкай, і яна паказала працу ў працэсе. Выніковы варыянт партрэта Вікторыя адправіла як файл – арыгінал застаўся ў яе. Праца была зроблена за тры дні.
ІІ belsat.eu
