Стан здароўя параненага ў Турцыі беларускага дыпламата палепшыўся. Пра гэта паведаміў прэс-сакратар Міністэрства замежных справаў Беларусі Анатоль Глаз.
Зараз дыпламат ужо знаходзіцца ў прытомнасці, яго стан палепшыўся, яму дазволілі спатканні з сям’ёй, перадае БелТА.
Чакаецца, што 26 ліпеня яго перавядуць з рэанімацыі. Разам з тым лекаванне, як прагназуецца, зойме працяглы час, адзначыў Анатоль Глаз.
На днях пацярпелага плануе наведаць амбасадар Беларусі ў Турэччыне.
Нагадаем, што ўвечары 24 ліпеня ў Анкары быў моцна паранены дарадца-пасланец амбасады Беларусі Аляксандр Паганшаў. Нападнік скончыў жыццё самагубствам.
Сварку, якая прывяла да нападу на беларускага дыпламата ў Турэччыне, магла выклікаць незадаволенасць псіхічна хворага нападніка паводзінамі беларускіх дзяцей, якія гулялі ў двары.
МГ belsat.eu