Падчас сустрэчы з вернікамі ў Ватыкане жанчына рэзка схапіла далонь Папы Рымскага Францішка і моцна пацягнула яго. У адказ Папа Рымскі ўдарыў жанчыну па руцэ. Відэа з гэтым інцыдэнтам апублікаваў тэлеканал CBS.
NOPE FROM THE POPE: While greeting people in St. Peter’s Square on New Year’s Eve, Pope Francis had to pull himself away from a woman who grabbed his hand and yanked him toward her. https://t.co/umkpOnbbX6 pic.twitter.com/0XzxtWTMUd
— CBS News (@CBSNews) December 31, 2019
На плошчы Святога Пятра Папа Рымскі Францішак паціскаў рукі вернікам, якія прыйшлі на сустрэчу з ім. Адна з прысутных жанчын моцна схапіла пантыфіка і пацягнула яго. У выніку атрымалася, што жанчына тузанула Папу Рымскага. У адказ Францішак ударыў жанчыну па руцэ.
Пасля інцыдэнту Папа Рымскі папрасіў прабачэння за сваю рэакцыю.
«Усе мы нярэдка губляем цярпенне. Такое бывае і са мной. Я прашу прабачэння за тое, што падаў дрэнны прыклад», – сказаў Папа Рымскі Францішак, звяртаючыся да вернікаў.
СК belsat.eu