Пандэмія каронавіруса можа быць рэакцыяй прыроды на безадказныя дзеянні чалавека, якія спрычыніліся да зменаў клімату, мяркуе Папа Рымскі Францішак.
Пантыфік заявіў, што чалавецтва мусіць замарудзіць актуальныя тэмпы спажывання і вытворчасці, а таксама навучыцца разумець прыроду.
«Мы не адрэагавалі на катастрофы. Хто цяпер кажа пра пажары ў Аўстраліі або памятае, што 18 месяцаў таму на лодцы можна было перасекчы Паўночны полюс, бо ўсе леднікі расталі? Хто цяпер гаворыць аб паводках?», – цытуе пантыфіка CNN.
Паводле Францыска, пандэмія – вынік безадказнага стаўлення чалавека да прыроды.
«Я не ведаю, ці было гэта помстай прыроды, але гэта, безумоўна, з’яўляецца рэакцыяй прыроды», – заявіў кіраўнік Папа.
Па стане на 8 красавіка ў свеце было зарэгістравана 1 млн. 464 тыс. выпадкаў інфікавання SARS-CoV-2.
ЮВ belsat.eu