Выбітны польскі кампазітар і дырыжор Кшыштаф Пэндэрэцкі памёр 29 сакавіка ў Кракаве. Яму было 86 гадоў.
«Пасля доўгай і цяжкай хваробы памёр Кшыштаф Пэндэрэцкі – адзін з найвялікшых польскіх музыкаў, сусветны аўтарытэт у галіне класічнай музыкі», – пра гэта паведамляе ў Twitter Міністэрства культуры Польшчы.
Po długiej, ciężkiej chorobie zmarł #KrzysztofPenderecki – jeden z najwybitniejszych polskich muzyków, światowy autorytet w dziedzinie muzyki klasycznej. Był profesorem i rektorem Akademii Muzycznej w Krakowie. Miał 86 lat. pic.twitter.com/Mz2kmLBPGW
— Ministerstwo Kultury (@MKiDN_GOV_PL) March 29, 2020
Пэндэрэцкі атрымаў вядомасць у 1960-я гады як прадстаўнік музычнага авангарду. Найбольш вядомыя яго творы на рэлігійныя сюжэты – «Плач па ахвярах Хірасімы», «Жарсці паводле Лукі» і іншыя. «Польскі рэквіем» быў прысвечаны Леху Валэнсе і прафсаюзу «Салідарнасць».
Музыку Пэндэрэцкага выкарыстоўвалі ў фільмах такіх рэжысёраў, як Ален Рэнэ, Стэнлі Кубрык, Дэйвід Лінч, Анджэй Вайда ды іншыя.
Чатыры разы ён быў лаўрэатам прэміі «Грэмі».
МГ belsat.eu