За апошнія тры дні памежнікі прыцягнулі да адміністрацыйнай адказнасці за парушэнне рэжыму дзяржаўнай мяжы 25 чалавек. Усе яны прад’явілі несапраўдныя дакументы.
Сярод парушальнікаў – грамадзяне Расеі, Арменіі, Малдовы і Украіны, але бальшыня з іх – нашыя суайчыннікі.
Прэсавая служба Памежнага камітэту падае, што падчас кантролю выявілася, што ўсе парушэнні звязаныя са станам дакументаў. Пашпарты былі ў трухлявым стане, вільготныя, з вырванымі старонкамі (у некаторых яны былі ўклееныя ізноў самастойна) і проста пратэрмінаваныя. Некаторыя спрабавалі прайсці праз мяжу з пашпартам, які значыўся ў базе як згублены або скрадзены.
З нядзейным пашпартам памежнікі не толькі не прапусцяць праз мяжу, але і могуць даць штраф. Максімальнае пакаранне – да Br 1225.
ДД