Пра гэта на сваім профілі ў «Instagram» паведаміла жонка спартоўца Дзмітрыя Мялешкі.
Жонка гульца хакейнай зборнай кіраўніка краіны Дзмітрыя Мялешкі распавяла пра стан здароўя мужа ўсім зацікаўленым.
«Тэмпературы ў яго няма ўжо 4 дні, мы вельмі цешыліся і думалі, што ён хутка паправіцца. Але ўчора яму зрабілі КТ [камп’ютарная тамаграфія – Belsat.eu], і ў яго пагоршыўся стан лёгкіх. Лячэнне працягваецца, павялічылі дозу антыбіётыкаў», – піша Надзея Мялешка.
Паводле яе, спартовец яшчэ прынамсі на 10 дзён застанецца ў шпіталі.
Каронавірусную інфекцыю ў Дзмітрыя Мялешкі тэст пацвердзіў 21 красавіка, праз 10 дзён пасля гульні з Аляксандрам Лукашэнкам на адным лёдзе.
Дзмітрый Мялешка гуляў за менскае «Дынама». Прафесійную спартовую кар’еру ён завяршыў у 2017 годзе. Цяпер толькі ў аматарскіх турнірах гуляе за каманду кіраўніка краіны.
КТ Belsat.eu
