Паглядзіце, як людзі ва ўсім свеце ўзнаўляюць творы мастацтваў з таго, што маюць пад рукамі
Фіранкі і біжутэрыя, харчы і туалетная папера, цацкі і хатнія жывёліны – усё ў справу. Калі ў вас скончыліся ідэі, чым заняцца ў самаізаляцыі, – узнавіце твор мастацтва.
З таго, што ёсць у хаце
Флэш-моб з узнаўленнем карціны з дапамогаю трох навакольных прадметаў ініцыяваў найбуйнейшы мастацкі музей Каліфорніі – Музей Геці, ідэю падтрымалі іншыя мастацкія галерэі свету. Сюжэты вядомых карцінаў карыстальнікі інтэрнэту пачалі ствараць з таго, што ёсць пад рукамі, і размяшчаць у розных сацсетках з гэштэгамі #TussenKunstEnQuarantaine, #изоизоляция, #covidlassics. Заданне абмяжоўвацца трыма прадметамі не абавязковае, але забараняецца выкарыстоўваць фільтры і камп’ютарнае апрацоўванне здымкаў.
У Фэйсбуку флэш-моб распачалі 30 сакавіка, а сёння ў суполцы больш за 390 тысяч удзельнікаў. Толькі цягам апошніх содняў да суполкі дадаліся 20 тысяч удзельнікаў, а ў стужку – амаль дзве тысячы новых працаў. Найчасцей удзельнікі пераствараюць партрэты, сярод карцінаў самыя любімыя для пераўтварэнняў «Дзяўчынка з персікамі» Валянціна Сярова, «Дзяўчына з жамчужнай завушніцай» Яна Вэрмээра, «Крык» Эдварда Мунка, «Чорны квадрат» Казіміра Малевіча.
Але замахваюцца і на больш складаныя сюжэты – Босха, Пікаса, Далі. А спосабы выканання працаў вылучаюцца неверагоднай вынаходлівасцю.
Opublikowany przez Darję Alpern Katkouskają Wtorek, 31 marca 2020
Иногда сюжеты приходят сами ?Микеланджело “Сотворение Адама” vs Спящий Давид #изоизоляция
Opublikowany przez Darję Alpern Katkouskają Czwartek, 9 kwietnia 2020
Мастацтвазнаўца Сяргей Харэўскі ацэньвае флэш-моб цалкам пазітыўна: «Людзі абнаўляюць, пераспраўджаюць свае веды ў гісторыі мастацкай культуры. А, перадусім, самі становяцца актыўнымі саўдзельнікамі, сутворцамі творчага працэсу. Натуральна, гэта розныя паводле ўзроўню выканання перформансы. Розныя і паводле задачаў. Некаторыя з іх – вельмі прафесійна зробленыя фотаздымкі неверагодна тонкіх і трапных стылізацыяў. У іншых выпадках – гэта буфанада, сатыра, ці нават нешта ўжо з трэшу. Але ўсё разам – гэта гімн Культуры! Гэта сведчанне непераадольнага памкнення людзей да творчасці, да жыццядайнасці Мастацтва!»
Жонка пісьменніка і блогера Яўгена Ліпковіча Вольга кажа, што для іхнай сям’і галоўным стымулам для ўдзелу ў флэш-мобе была магчымасць пасмяяцца, бо ў самых цяжкіх сітуацыях і для людзей і для грамадства найлепшыя лекі – пачуццё гумару.
«Гратэск і абсурд тут дапамагаюць. Паколькі сабака Лаліта Гламур – бясплатны рэквізіт, то менавіта яна паўдзельнічала і ў «Самсоне, што разрывае пашчу ільву», і ў «П’еце». У нашых інсталяцыях істотныя не дэталі, а ідэя і той смех, які яна выклікае. Што датычыць салдата – гэта таксама смех і гратэск, як і дзве папярэднія інсталяцыі. Але, на жаль, у групе #изоизоляция ўсё больш з’яўляецца настрояў «победобесия». Мяне абвінавацілі, што я замахнулася на святое, і ў сувязі з вялікай колькасцю скаргаў мадэратары выдалілі гэты здымак», – кажа Вольга Ліпковіч.
#изоляция Сальвадора Дали и моего невтусторонууса
Opublikowany przez Alinę Alfimovą Piątek, 3 kwietnia 2020
Сяргей Харэўскі выказваецца катэгарычна супраць цэнзуравання інсталяцыяў, бо псеўдамараль здольная загубіць саму соль флэш-мобу: «А рупліўцам «маралі» я б паказаў на тое, што многія творы акурат і актуалізуюцца! Ну, сапраўды, колькі цяпер маладзёнаў, пагатоў на Захад ад Бугу, могуць зразумець гумар Ліпковіча? А так хоць нехта згадае, што гэта за помнікі, дзе яны стаяць і, урэшце, у гонар каго! Вось жа, колькі тут чытачоў ведаюць: хто стаў прататыпам таго помніка, які стаў для Ліпковіча крыніцаю творчае правакацыі?»
Следующего кота я назову Казимиром!?Но гвоздём картины я считаю не кота по имени Иммануил, нагло влезшего в кадр, а чёрные макарошки!)) Казимир Малевич, "Чёрный квадрат"#изоизоляция
Opublikowany przez Галина Барягина Wtorek, 7 kwietnia 2020
Тое, якія творы абіраюцца для перастварэння, дае нагоду для разважанняў, лічыць мастацтвазнаўца: «У прыватнасці, мне бракуе адсылак да беларускае мастацкае класікі! Зрэшты, як ні дзіўна, малавата, напрыклад, і іспанскіх першаўзораў! Мала цытатаў з Новага Свету. І зусім амаль ніхто не звяртаўся да тэмаў Азіі».
У Беларусі ўсеагульнага каранціну не абвесцілі, але самаізаляцыя – добрая нагода папоўніць галерэю жывых карцінаў творамі нашых мастакоў.
ІД belsat.eu
