У выпуску вечаровых навінаў быў паказаны сюжэт аб справе Сяргея Кармызова. Ён нібыта браў крэдыты на падстаўных асобаў для «камерсантаў з дурной рэпутацыяй».
Па БТ 20 чэрвеня ў выпуску вечаровых навінаў паказалі сюжэт аб справе Сяргея Кармызова – старшыні магілёўскага філіялу «Белгазпрамбанку». Паводле звестак каналу, ён нібыта браў крэдыты на падстаўных асобаў для камерсантаў з дурной рэпутацыяй.
Па БТ паказалі ахвяру такіх махінацыяў Святлану. Яна па просьбе топ-менеджара ўзяла крэдыт на Br 75 тыс. Выплочваць замест Святланы яго мусіў іншы чалавек, камерсант, аднак ужо праз пару месяцаў пачаліся пратэрмінаванні па плацяжах, а ў лютым 2019 года бізнесмена пасадзілі на махлярства. У выніку Святлане прышлося выплачваць крэдыт самой – гэта Br 1500 штомесяц. Закадравы голас у сюжэце паведамляе, што жанчыне не заўсёды хапала грошай на ежу.
Калі жанчына вырашыла абмеркаваць сітуацыю са знаёмым, які ёй параіў узяць крэдыт, то ён пачаў апераваць вельмі дзіўнымі довадамі: пачакай, хутка ў краіне зменіцца ўлада і крэдыт увогуле не трэба будзе сплачваць. У сюжэце паказваецца аўдыязапіс адной з тэлефонных размоваў Святланы і Сяргея Кармызова. Там ён сапраўды кажа, што ўлада ў краіне хутка можа змяніцца. Аднак не гаворыць наўпрост, што гэта можа дапамагчы перастаць сплачваць крэдыт.
У выніку Кармызоў прыйшоў да працаўнікоў ДФР з павіннаю. У сюжэце публікуюцца кадры допыту: Сяргей кажа, што браў узнагароджанне ў памеры 10%.
«Я зараз гавару, што хацеў атрымаць ад Новікава ўзнагароджанне. Зараз адмаўляць гэта, безумоўна, не буду. У памеры, умоўна 10%», – з сюжэту кантэкст размовы не зразумелы, але дыктар звязвае яго з крэдытам Святланы.
На іншых кадрах допыту Кармызоў каментуе рашэнне Віктара Бабарыкі балатавацца ў прэзідэнты.
«Віктар Дзмітрыевіч вітае ў аблоках. Таму што адна справа, калі ты кіруеш невялікім калектывам, а іншая справа, калі ты кіруеш краіна».
Зараз супраць Сяргея Кармызова заведзеная крымінальная справа ня толькі па гісторыі з крэдытамі, і з-за ашуканствам з курсамі валютаў. Крэдыт жа Святланы быў сплачаны пасля умяшання праваахоўнікаў.
Нагадаем, што Сяргея Кармызова затрымалі 12 чэрвеня ў межах справы «Белгазпрамбанку», па якой праходзіць больш за 20 чалавек.
КТ belsat.eu