Дома ў падазраванага.
Фота: sk.gov.by
У Маладзечне распачалі крымінальную справу аб ілжывым паведамленні пра небяспеку. Падазраванага затрымалі, паведамілі ў Следчым камітэце.
21 снежня на лінію «102» паступіла паведамленне пра магчымы выбух у трох гімназіях ды адной школе Маладзечна. З установаў былі эвакуяваныя вучні ды настаўнікі. Выбухованебяспечных прадметаў не выявілі.
Выявілася, што з мабільнага тэлефона ў міліцыю тэлефанаваў 50-гадовы мясцовы жыхар, які на момант затрымання быў п’яны.
У дачыненні да яго распачалі крымінальную справу па ч. 1 арт. 340 (заведама ілжывае паведамленне аб небяспецы) КК. Падазроны заявіў, што прычынай учынку стала даўгое ўжыванне алкаголю.
МГ belsat.eu
