Раніцай 15 снежня ў гарадзенскую міліцыю паступіў званок аб тым, што ў горадзе замініраваны начны клуб.
Экстранныя службы, якія выехалі на месца, эвакуявалі 70 гасцей і зладзілі праверку начной установы, але выбухоўкі і іншых небяспечных прадметаў там не знайшлі.
Аддзяленне інфармацыі і грамадскіх сувязяў гарадзенскай міліцыі падае, што пра ілжывае мініраванне паведаміла мясцовая жыхарка 1994 года нараджэння.
Дзяўчыну затрымалі. Паводле медыкаў, яна была ў стане алкагольнага апʼянення.
Паводле міліцыі, матывам дзяўчыны стала крыўда на тое, што яе не пусцілі ў клуб.
Санкцыя артыкулу Крымінальнага кодэксу за ілжывае мініраванне – штраф, арышт, абмежаванне волі да трох гадоў або пазбаўленне волі да пяці гадоў.
ДД belsat.eu