На сайце petitions.by распачаўся збор подпісаў пад ініцыятывай, каб на Менскім моры зʼявіўся нудысцкі пляж. Стваральнікі звароту адзначаюць, што ў нашай краіне не існуе ніводнага афіцыйнага пляжу для ахвотных загараць голымі.
Ініцыятары збору подпісаў адзначаюць, што нягледзячы на адсутнасць афіцыйных пляжаў для нудыстаў, у нашай краіне ёсць дадатковая колькасць людзей, якія жадаюць мець добры загар, або паўнавартасна адпачываць без забабонаў. З увагі на гэта яны і прапаноўваюць стварыць адмысловую агароджаную пляцоўку, дзе людзі без вопраткі змогуць адпачываць і не перашкаджаць іншым, якія прытрымліваюцца іншых поглядаў.
На момант публікацыі гэтага матэрыялу, пад петыцыяй падпісаліся 87 асобаў.
На Менскім моры існуе неафіцыйны нудысцкі пляж. Але летам там узнікаюць канфліктныя сітуацыі, у якія ўмешваюцца міліцыянты.
СК belsat.eu
