Бізнес-супольнасць выступіла з рэзкай крытыкай новага падатковага кодэксу. Справа ў тым, што ў дакумент былі ўнесеныя некаторыя моманты скандальна вядомага ўказу кіраўніка краіны №488 аб ілжэпрадпрымальніцтве. Пра адмену нормаў закону ўлады заявілі яшчэ напрыканцы 2018 году.
Як адзначыў віцэ-старшыня саюзу Андрэй Карпунін, мала таго, што ўказ №488 пакуль не адменены, дык яшчэ ў дадатак пачалі дзейнічаць і адпаведныя нормы Падатковага кодэкса, піша ПраймПрэсс.
Гаворка вядзецца пра нормы пунктаў 4 арт. 33 падатковага кодэксу, згодна з якім падатковая база і сума выплаты падатку па выніках правяранняў мусяць быць змененыя пры наяўнасці хаця б аднаго з наступных момантаў:
- устанаўленне неадпаведных звестак пра факце здзяйснення гаспадарчых аперацыяў, пра аб’екты падаткаабкладання, якія маюць быць адлюстраванымі плацельшчыкам у бухгалтарскім або падатковым уліку або ў падатковай справаздачнасці плацельшчыка;
- асноўнай мэтай вядзення гаспадарчай аперацыі зʼяўляецца нявыплата (няпоўная выплата) або залік (вяртанне) сумы падатку;
- адсутнасць рэальнага вядзення гаспадарчай аперацыі (а таксама выпадкі, калі фактычна не паступіў тавар, не выкананыя працы, не аказаныя паслугі, не перададзеныя маёмасныя правы).
Па словах Карпуніна, першы і трэці моманты проста скапіяваныя з указу № 488. Пры гэтым у беларускім заканадаўстве ўпершыню зʼяўляецца палажэнне пра асноўныя мэты здзяйснення гаспадарчай аперацыі.
«З улікам досведу кантралюючых органаў Беларусі, неабходна адзначыць, што ацэнка асноўнай мэты аперацыі ў прадпрыемстваў і ў правяраючага амаль заўсёды дыяметральна адрозніваюцца», – сказаў Карпунін.
Прадпрымальніцкі звяз адзначае, што ў новых умовах пад асаблівы кантроль патрапіць шэраг момантаў дзейнасці бізнесоўцаў. Сярод іх асноўныя:
- экспарт-імпарт тавараў праз замежныя даччыныя кампаніі,
- прыцягненне адсоткавых пазыкаў ад звязаных кампаніяў,
- замена штатнага дырэктара на індывідуальнага прадпрымальніка
- раздрабленне або зліццё кампаніяў,
- прыцягненне пасярэдніцкай структуры,
- фармаванне коштаў продажу асноўных сродкаў, падчас продажу родзічам дырэктара
СК, belsat.eu
