З 25 красавіка авіякампанія «Белавія» адкрывае паветранае спалучэнне са сталіцай Аўстрыі, паведамляе БелаПАН са спасылкаю на прэс-службу беларускай авіякампаніі. Паляцець у Вену самалётамі «Белавіі» цяпер можна кожны дзень.
Генеральны дырэктар «Белавіі» Анатоль Гусараў адзначыў, што «рэйс у Вену – гэта першы крок на шляху да вяртання звыклага ўкладу жыцця».
«Белавія» планавала адкрыць рэгулярны рэйс Менск – Вена яшчэ 29 сакавіка, аднак тады авіяцыйныя ўлады Аўстрыі не дазволілі палёты.
Аўстрыя прайшла пік пандэміі ў канцы сакавіка і адна з першых сярод еўрапейскіх краінаў анансавала змякчэнне каранціну. У Аўстрыі зафіксавалі 15 068 выпадкаў COVID-19. 530 хворых памерлі.
ВБ belsat.eu