Наступныя Еўрапейскія гульні пройдуць у Польшчы

Польшча прыме III Еўрапейскія гульні, якія пройдуць у 2023 годзе, паведамляе БелТА.

Такое рашэнне прынята сёння ў Менску на Генеральнай асамблеі Еўрапейскіх алімпійскіх камітэтаў.

Арганізатары Гульняў-2023 плануюць, што спаборніцтвы еўрапейскіх атлетаў пройдуць у Кракаве.

Такім чынам, Польшча прыме эстафету ад Менску, у якім у гэтыя дні праходзяць II Еўрапейскія гульні. У іх прымаюць удзел больш за 4 тысячы спартоўцаў з 50 краін. Яны змагаюцца за ўзнагароды ў 15 відах спорту.

Першыя Еўрапейскія гульні прайшлі ў чэрвені 2015 года ў сталіцы Азербайджана – Баку.

КА belsat.eu