Побач з гатэлем у самалійскім партовым горадзе Кісмаё 12 ліпеня адбыўся магутны выбух пасля чаго тэрарысты ўварваліся ў будынак і распачалі страляніну. Загінулі мінімум 13 чалавек, у тым ліку двое журналістаў, піша Reuters.
Паводле папярэдняй інфармацыі, выбухнула машына з бомбаю, кіраваў якой тэрарыст-смяротнік. Пасля гэтага баевікі захапілі гатэль і пачалі расстрэльваць цывільных. Адказнасць за атаку ўзяла на сябе ісламісцкая групоўка «Аш-Шабаб».
У паліцыі кажуць, што загінулых можа быць значна больш. Напад адбыўся ўвечары ў пятніцу, але аперацыя па ліквідацыі тэрарыстаў скончылася толькі раніцай у суботу. Забітыя чатыры нападніка.
Месца нападу было выбрана не выпадкова: у гатэлі адбывалася канферэнцыя, дзе мясцовыя старэйшыны і чыноўнікі абмяркоўвалі будучыя рэгіянальныя выбары. Загінулі двое журналістаў: карэспандэнт SBC TV Махамед Амар Саха і заснавальніца Integration TV Хадан Налу.
Hodan Naleyeh @HodanTV was full of hope for a new #Somalia, left #Canada to change the bad narrative and cover positive side of her homeland. Naleyeh, founder of @IntegrationTV killed along her husband and many other beautiful souls in #Kismayo hotel attack. #RIP all who lost. pic.twitter.com/TnAzAQ9r5e
— Garowe Online (@radiogarowe) July 12, 2019
ІІ belsat.eu