Дэпутатку Вярхоўнай рады Надзею Саўчанку, якая дзесяць месяцаў знаходзіцца пад арыштам, вылучылі кандыдатам на прэзідэнты Украіны ад партыі «Грамадска-палітычная платформа Надзеі Саўчанка».
Падчас з’езду каля 100 дэлегатаў з розных рэгіёнаў Украіны адзінагалосна прагаласавалі за кандыдатуру Саўчанка па прапанове яе сястры Веры Саўчанка, паведамляе ТАСС.
Надзея Саўчанка ў сакавіку 2018 году апублікавала відэа, у якім паабяцала вылучыць сваю кандыдатуру на пасаду прэзідэнта Украіны.
«Каб захаваць Украіну як краіну і дзяржаву, трэба знайсці мудрае рашэнне. Дзейнічаць трэба на апярэджанне. Я ведаю, што рабіць, і рашэнне для сябе ўжо прыняла. Прыйдзе час, і я стану кандыдатам на прэзідэнта», – заявіла яна ў роліку.
Дэпутатка Вярхоўнай рады знаходзіцца пад арыштам ужо дзесяць месяцаў – з 22 сакавіка 2018 года. Генпракуратура падазрае яе ў падрыхтоўцы замаху на кіраўніцтва краіны, уключаючы Пятра Парашэнку, а таксама некалькіх тэрактаў у Кіеве. У канцы кастрычніка летась Шаўчэнкаўскі суд Кіева падоўжыў яе арышт да 23 снежня.
Выбары кіраўніка ўкраінскага дзяржавы прызначаныя на 31 сакавіка 2019 года. ЦВК Украіны ўжо зарэгістраваў 20 кандыдатаў.
